【職場衝突其實唔係咁可怕】
相信大家都曾經喺工作上因為同其他人觀點不同而遇到衝突或比較激烈嘅討論。按魚丸嘅經驗，想喺呢度同大家分享下化解職場衝突嘅小貼士：
1) 從對方嘅意見中揾出關聯，再表達自己嘅觀點
可以先肯定對方，再從對方嘅意見延伸出自己想法，例如「我認同你呢部分嘅想法，我哋可以針對呢個部分再改善啲.....」，等對方感受到你嘅尊重同埋討論嘅誠意；
2) 適時緩和情緒，維持理性溝通
保持理性同禮貌，喺某啲情況下，如果對方已經無法控制情緒，應該先暫時停止討論；
3) 以事論事
既然大家都係為咗解決問題，所以要專注喺問題嘅討論上，唔好人身攻擊。
化解職場衝突其實亦反應出個人應變嘅能力，表現恰當，仲會贏得同事同上司嘅印象添! 大家又遇過咩印象深刻嘅職場衝突呢?
#滾續達人 #化解職場衝突 #個人應變能力 #大家坐低慢慢傾 #聽聽大家心底夢
Search